सवारी पास दुरुपयोग गरेको अभियोगमा एक पक्राउ

काठमाडौं, साउन १ । चन्द्रागिरी नगरपालिका २ नागढुंगाबाट सवारी पास दुरुपयोग गरी यात्रु ओसारपसार गरेको अभियोगमा तनहुँ व्यास नगरपालिका ४ घर भएका ३८ वर्षीय ओम बहादुर दरैलाई सोमबार प्रहरीले पक्राउ गरेको छ ।

दमौलीबाट काठमाडौंतर्फ आउँदै गरेको ग,२ च ६५४५ नम्बरको टाटा सुमोलाई महानगरीय प्रहरी प्रभाग नागढुंगाबाट खटिएका प्रहरीले जाँच गर्ने क्रममा जिल्ला प्रशासन कार्यालय तनहुँबाट जारी भएको उपत्यका प्रवेश पास प्रयोग गरी पटक पटक ‍अनावश्यक रुपमा यात्रु ओसारपसार गर्ने गरेको खुल्न आए पश्चात दरैलाई पक्राउ गरेको हो ।

साथै यात्रु ओसारपसार गरी संक्रमणको जोखिमलाई नबढाउनुहोस् भनि प्रहरीले सम्झाई बुझाई गर्दा चालक दरैले उल्टै डिउटीमा खटिएका प्रहरीसँग वादविवाद तथा अ,पशब्द प्रयोग गरी हा,तपात गर्न खोजेको प्रहरीले जनाएको छ ।

उनलाई मुलुकी अ पराध संहिता, २०७४ बमोजिम आवश्यक अनुसन्धान तथा कारवाही भइरहेको नेपाल प्रहरीले जनाएको छ ।

प्रकाशित मिति July 16, 2020