विदेशबाट आउनेले सातदिन आफ्नै खर्चमा अनिवार्य होटल क्वारेन्टाइनमा बस्नैपर्ने

काठमाडौ, भदौ ७ । विदेशमा रहेका नेपालीले पीसीआर परीक्षणसहित सात दिनसम्म क्वारेन्टिनमा बस्ने लिखित प्रतिवद्धता जनाएपछि मात्रै नेपाल आउन टिकट पाउने भएका छन् । विदेशबाट आउनेलाई अनिवार्य होटल क्वारेन्टिनमा बस्नैपर्ने व्यवस्था गरिएपछि होटल व्यवसायीहरुले पनि तयारी थालेका छन् ।

विदेशबाट आउने कुनैपनि व्यक्तिले पीसीआर परीक्षण गरेपछि मात्रै नेपाल आउनका लागि टिकट खरिद गर्न पाउनेछन । यस्तै नेपालमा आएपछि अनिवार्य सात दिन सम्म होटल क्वारेन्टिनमा बस्नुपर्ने र त्यसको खर्च आफैले तिर्ने लिखित प्रतिवद्धता समेत टिकट खरिद गर्दाको अवस्थामै जनाउनु पर्नेछ । त्यस्तै नेपाल आउनेले जहाजको टिकट खर्च विदेशमा नै तिर्नुपर्ने छ ।

उद्धार गरी ल्याइएका कतिपय नेपालीका लागि भने क्वारेन्टिन खर्च वैदेशिक रोजगार कोष र कोरोना उपचार तथा रोकथाम कोषबाट हुने छ । क्वारेन्टिनहरुको सुरक्षा नेपाली सेनाले गर्ने छ भने व्यवस्थापनको काम स्थानीय सरकारले गर्नेछ ।

सरकारले विदेशबाट हवाईमार्ग हुँदै नेपाल आउने नागरिकलाई अनिवार्य होटल क्वारेन्टाइनमा राख्ने व्यवस्था गरेपछि होटल व्यवसायीहरुले तयारी सुरु गरेका छन् । व्यक्ति होटलमा पुग्नासाथ सम्पूर्ण विवरण राख्ने र सम्पूर्ण रुपमा निर्मलीकरण गरेपछि मात्र कोठामा जाने व्यवस्था गरिने छ ।

सरकारले पीसीआर परीक्षण सहज भएका देशहरुबाट शर्त सहित नियमित उडान गर्ने निर्णय गरेको छ । दैनिक ५ सयभन्दा बढी यात्रु नकटने गरी उडान सञ्चालन गर्न दिने निर्णय सरकारले गरेको थियो ।                                                                                                                        कतिपय विदेशमा रहेका नेपालीहरुले भने यो नियमको खुलेर विरोध गरेका छन । उनिहरुले पहिले जस्तै सरकारलेनै क्वारेन्टाइनको ब्यवस्थापन गर्नुपर्ने बताएका छन् । ऊनीहरु भन्छन् -” हामी संग टिकट काट्ने पैसा छैन नेपालमा गएर तेति महङ्गो तिरेर होटलमा कसरी बस्नु ? हामी रोजगारी गुमाएर बसेका पिडात सङ पनि पैसा असुल्ने नीति कसरी लिन सकेको होला बुझ्नै सकेको छैन यता पिसिआर गर्न पनि खर्च लाग्छ अनि नेगेटिभ रिपोर्ट हुदा पनि क्वारेन्टाइनमा बस्नुपर्ने ? ”

होटल ब्यवसायी महासंघ भन्छ – भने अनुसार सेवा नदिए कारबाही गर्छौ

होटल व्यवसायी महासंघका अध्यक्ष हिराध्वज शाहले होटल क्वारेन्टाइनमा बस्नेलाई सरकारले तोके अनुसारको सेवा सुविधा उपलब्ध नगराए कारबाही गरिने बताएका छन । महासंघले होटल क्वारेन्टाइनहरुको नियमित अनुगमन गर्ने र सरकारले तोकेको मापदण्ड अनुसार सुविधा नदिए सम्बन्धित होटललाई कारबाही गरिने उनले बताए ।

अनुगमनका लागि महासंघले कार्यकारी महासचिव शेरबहादुर थापाको संयोजकत्वमा ७ सदस्यीय समिति समेत गठन गरेको अध्यक्ष शाहले जानकारी दिए । समितिले दैनिक रुपमा होटल क्वारेन्टाइनको अनुगमन गर्ने र सरकारले भने अनुसारको खाना, खाजा लगायतको सेवा उपलब्ध नगराएको पाइए कारबाही गर्ने महासंघले जनाएको छ ।

सरकारले महासंघ अन्तर्गत काठमाडौं उपत्यकामा रहेका १ सय १२ वटा होटल सहित कुल २ सय २० वटा होटलहरुहरुलाई होटल क्वारेन्टाइनको रुपमा सूचीकरण गरेको छ । जसमा ३ हजार ५ सय वटा बेड क्षमता रहेको छ । सरकारले विदेशबाट नेपाल आउने व्यक्तिलाई आफ्नै खर्चमा ७ दिन सम्म अनिवार्य होटल क्वारेन्टाइनमा बस्नुपर्ने व्यवस्था गरेको छ ।

तपाईंलाई यो खबर पढेर कस्तो महसुस भयो ? कृपया तल कमेन्ट बक्समा अवश्य लेख्नुहोला। थप जानकारीको लागि हाम्रो वेब साइटमा जानुहोस धन्यवाद ।

प्रकाशित मिति August 23, 2020
Loading...