किम जोङ् उनको आह्वान- कोरोना वि पत्ती विरुद्ध लड्न तयारी अवस्थामा रहनु

काठमाडौं, भदौ १० । उत्तर कोरियाली नेता किम जोङ् उनले कोरोना भाइरसको सम्भावित बि पत्ती विरुद्ध लड्न तयारी अवस्थामा रहन सबैलाई आह्वान गरेका छन् ।

सत्तारुढ मजदुर पार्टीको तेश्रो उच्चस्तरीय सम्मेलनमा सहभागी भएका नेता किमले मुलुकमा कोरोना भाइरस संक्रमणको म हामारीले उग्ररुप लिनसक्ने भन्दै यस्तो आग्रह गरेका हुन् । यसअघि उनी उच्चस्तरीय सम्मेलनहरुमा कमै मात्र उपस्थित हुने गर्दथे । अर्कोतर्फ नेता उनले बिहीबारसम्म मुलुकमा आँधीको अर्को वि पत्ति आउने पुर्वानुमान समेत गरिएको जानकारी दिएका छन् ।

सत्तारुढ मजदुर पार्टीको सो बैठकमा उनले यसबाट मुलुक तथा मुलुकवासीमा अनपेक्षित चो ट पुग्नसक्ने चिन्ता पनि व्यक्त गरेका छन् । भाइरसको संक्रमण तथा आँधीका विरुद्धमा सरकारले पनि आफ्नो तर्फबाट तयारीहरु गरिरहेको उनले बताएको उत्तर कोरियाको आधिकारिक खबर संस्थाले जनाएको हो । अत्यधिक बर्षा र बाढीका कारण ठूलो क्षती भएको एक हप्तामै उत्तर कोरियामा अर्को खाले क्षती पुर्याउने गरी आँधी आउन लागेको हो । दुवै घटनाले मलुुकको अर्थतन्त्रमा धेरै नकारात्मक असर पर्ने चिन्ता पनि नेता उनले व्यक्त गरेको जनाइएको छ ।

कोरोना र आँधीसँग जुध्नका लागि सवै तह र क्षेत्रमा पार्टी र सरकारको तर्फबाट विभिन्न संयन्त्रहरु बनाउन पनि उनले निर्देशन दिएका छन् । यसअघि नेता किमका बारेमा अ नर्गल प्रचार गरिएको थियो । विभिन्न सञ्चारमाध्यमले उनी कोमामा रहेका विवरण प्रशारण गरेका थिए । तर उनी उच्चस्तरीय सम्मेलनमा सहभागी भएपछि उनीमाथि गरिएको सबै प्रचार झुटो पुष्टि भएको छ ।

काठमाडौंट्वान्टिफोर डट कममा प्रकाशित सामग्रीबारे तपाईसंग कुनै सुझाव, सूचना तथा गुनासो भए हामीलाई kathmandu24online@gmail.com मा पठाउन सक्नुहुनेछ। धन्यवाद ।

प्रकाशित मिति August 26, 2020