धेरै अप्ठारो समय आयोः स्वास्थ्य मन्त्रालय

काठमाडौं, असोज २४ । स्वास्थ्य मन्त्रालयले कोरोना संक्रमित बढेसँगै आइसोलेसन तथा अस्पतालहरुमा खचाखच बिरामी भएको जनाउँदै धेरै अप्ठ्यारो समय आएको बताएको छ।

नियमित पत्रकार सम्मेलनमा शनिबार मन्त्रालयका प्रवक्ता प्रा.डा.जागेश्वर गौतमले सबैलाई सुरक्षित रहन आग्रह गरे।

‘हाम्रो लागि धेरै अप्ठ्यारो समय आएको छ। संक्रमितको संख्या धेरै बढेको छ। अस्पताल र आइसोलेसन सेन्टरहरु झन्डै भरिएका छन्। खचाखच बिरामी छन्,’ प्रवक्ता गौतमले भने, ‘बिरामीको डिस्चार्ज हुने दर घटेको छ र संक्रमित बिरामी हुने दर बढेको छ। यसले हामीलाई धेरै अप्ठ्यारो परिस्थितिमा पुर्याउँदै भन्ने आंकलन गर्न सकिन्छ। यसकारण सबै सुरक्षित रहौं।’                                                                               

पछिल्लो २४ घण्टामा हालसम्मकै दैनिक उच्च ५ हजार ८ जनामा कोरोना संक्रमण देखिएको छ। योसँगै नेपालमा संक्रमितको संख्या ३० हजार ८१८ छ।

काठमाडौंट्वान्टिफोर डट कममा प्रकाशित सामग्रीबारे तपाईसंग कुनै सुझाव, सूचना तथा गुनासो भए हामीलाई kathmandu24online@gmail.com मा पठाउनुहोला ।

प्रकाशित मिति October 10, 2020
Loading...