यो वर्ष दशैँमा नयाँ नोट वितरण नहुने

काठमाडौ, असोज २५ । नेपाल राष्ट्र बैंकले यस वर्षको दशैँमा नयाँ नोट वितरण नगर्ने भएको छ । बैकले आज एक विज्ञप्ती प्रकाशित गर्दै कोरोना भाइरसको जोखिम बढ्दै गइरेकाले लाइन लगाएर नयाँ नोट वितरण गर्न नसकिने जनाएको हो ।

सर्वसाधारणसँगै बैंकका कर्मचारीहरुमा पनि कोरोना देखिइरहेकाले बैंकका शाखा मार्फत पनि नयाँ नोट वितरण गर्न नसकिने पनि राष्ट्र बैंकले स्पष्ट पारेको छ । चाडपर्वका बेला बजारमा नोटको अभाव भने हुन नदिने बैंकले स्पष्ट पारेको छ ।

पछिल्लो समय बैंकका कर्मचारीहरु पनि संक्रमित बढदै गएको भन्दै सरकारले यस्तो निर्णय गरेको हो । विगतक वर्षहरुमा राष्ट्र बैंकले सेवाग्राहीलाई दशैँको अवसरमा लाइन लगाएर ५, १०, २०, ५० र एक सय दरका नयाँ नोट सटही गर्दै आएको थियो ।   

दशैँका बेला राष्ट्र बैंकले चालिस अर्बसम्मका नोट बजारमा पठाउने गरेको थियो ।

काठमाडौंट्वान्टिफोर डट कममा प्रकाशित सामग्रीबारे तपाईसंग कुनै सुझाव, सूचना तथा गुनासो भए हामीलाई kathmandu24online@gmail.com मा पठाउनुहोला ।

प्रकाशित मिति October 11, 2020