मदन भण्डारीले भनेका थिए: ‘ओलीलाई कुनै ठाउँ नदिनु, यिनले दुर्घटना गराउँछन’

वीरगञ्ज । पूर्वसभासद बिचारी यादवले प्रधानमन्त्री केपी शर्मा ओलीबारे रोचक प्रसंग उठाएका छन् । उनले ओली कम्युनिष्ट आन्दोलन विरोधी देखिएको आरोप लगाउँदै ओलीले देश बर्बाद पारेको बताएका छन् ।

पर्सामा प्रचण्ड-नेपाल समूहको भेलामा उनले ओलीले देश धरापमा परेको समेत बताएका छन् । उनले मदन भण्डारीले भनेको वाक्य सम्झिँदै अहिले त्यो वाक्य चरिथार्थ भएको बताएका छन् ।

‘केपी ओलीलाई कुनै ठाउँ नदिनु, यिनले दुर्घटना गराउँछ, मदन भण्डारीले उतिबेला नै भन्नुभएको थियो त्यो अहिले चरिथार्थ भयो’ उनले भने ।

मदन भण्डारीले त्यतिबेला भन्नुभएको कुरा अहिले मिलेको भन्दै यादवले भने, ‘हामीहरुलाई मदन भण्डारीले भनेर गएका थिए, केपी कमरेडलाई कुनै ठाउँ नदिनु यसले दु र्घटना गराउँछ। आज आएर त्यो पुग्यो, यो दिन आज आएर हेर्नु पर्‍यो।’

उनले आफूहरुले १० वर्ष काम गरेपछि मात्रै कम्युनिष्ट पार्टीको सदस्यता पाएको तर, अहिले ओली समुहले मानिसहरुलाई ज बर्जस्ती केन्द्रीय सदस्य बनाइरहेको बताए। हिमालपोस्टबाट ।

काठमाडौंट्वान्टिफोर डट कममा प्रकाशित सामग्रीबारे तपाईसंग कुनै सुझाव, सूचना तथा गुनासो भए हामीलाई kathmandu24online@gmail.com मा पठाउनुहोला ।

प्रकाशित मिति December 27, 2020